مر عام قلنا فيه البقاء لله أكثر من ألف مبروك

• اشرف مصباح
• 2020-12-31 11:43:58

بقلم / ضياء الشامى

مدير الشئون المالية والادارية بمديرية التربية والتعليم بكفرالشيخ 

كانت سنه غريبه علينا قولنا فيها البقاء لله اكتر ما قولنا الف مبروك قولنا فيها الف سلامه ربنا يشفي اكتر ما قولنا اي حاجه تانيه

سنه ما سابتش حد من غير ماتوجعه ف اي حاجه كلنا اتوجعنا ف نفسنا او في ناس قريبين لينا 

سنه قررت تعلمنا اننا ازاي نحمد ربنا علي العادي اللي بنشوفه عادي اننا نعرف نشم وندوق ده بالنسبه لنا عادي لما فيه ناس اتحرمت من ده عرفنا انه مش عادي نكون كده واننا لازم نقول الحمد لله علي العادي

 سنه قررت تقولنا ان الحال بيتقلب ف ثانيه وتورينا عملي ان ممكن نكون ف حال و ف ثانيه نكون في حال تاني

اللهم لا اعتراض يارب ارفع عنا الوباء والبلاء وارزقنا يا الله راحه البال والطمأنينه

 وانزل السكينه علي قلوبنا واجعل صبرنا ورضانا بقضائك ف ميزان حسناتنا واشفي مرضانا واغفر لمن رحل عنا وارحم موتانا يارب